Шуурхай бүлэг Сүхбаатар, Алтанбулаг сумдад ажиллаж байна

 Монгол Улсын Шадар сайд, Улсын онцгой комиссын даргын 22 дугаар тушаалаар Батлан хамгаалахын сайд Г.Сайханбаяраар ахлуулсан ОБЕГ-ын тэргүүн дэд дарга, хурандаа Ж.Чүлтэмсүрэн болон БХЯ, ЭМЯ, ЦЕГ, Улсын II төв эмнэлэг, ХӨСҮТ-ийн төлөөллөөс бүрдсэн шуурхай бүлэг энэ сарын 13-аас эхлэн Сэлэнгэ аймагт ажиллаж байна.

  Шуурхай бүлгийн гишүүд аймгийн Онцгой комиссыг есөн удаа хуралдуулж үүссэн нөхцөл байдал, авч хэрэгжүүлж байгаа арга хэмжээний танилцуулгыг сонсож, дүгнэлт гарган цаашид хэрэгжүүлэх арга хэмжээнүүдээ тодорхойлон, хэрэгжилтийг ханган, удирдлага, мэргэжил, арга зүйн дэмжлэг үзүүлэн ажиллаж байгаа юм.

  Аймгийн Сүхбаатар, Алтанбулаг сумдын нутаг дэвсгэрт коронавируст халдварын цар тахалтай тэмцэх, хариу арга хэмжээг чангатгах, эрчимжүүлэх төлөвлөгөөг аймгийн Онцгой комиссын даргаар батлуулан, харьяа байгууллагуудад хүргүүлж, хэрэгжилтийг хангуулан, хяналт тавьж ажиллаж байна.

  Сүхбаатар сумын хэмжээнд иргэдийн хөдөлгөөнийг хязгаарласантай холбогдуулан хөдөлгөөнт эмийн сан хоёр, суурин эмийн сан хоёрыг тус тус ажиллуулж эмийн хангалтыг зохион байгуулж байна.

Аймгийн хэмжээний Худалдааны төв, хүнсний дэлгүүр, нийтийн эзэмшлийн гудамж талбай, зам, шатахуун түгээх газруудад дотор талд 6,700 метр.кв, гадна талд 98,465 метр.кв, нийт 105,345 метр.кв талбайд халдваргүйжүүлэлтийг зохион байгуулахын зэрэгцээ  батлагдсан тохиолдлуудын гэр, сууц, хашаанд голомтын халдваргүйжүүлэлтийг тогтмол хийлгэж байна.

  Аймгийн хэмжээнд 318 худалдааны төв, хүнсний дэлгүүр, мухлаг иргэдийн хүнсний хэвийн үйл ажиллагааг ханган ажиллаж байгаа юм гэж Онцгой байдлын ерөнхий газраас мэдээллээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (2)

  • irgen (66.181.161.5)

    2020-11-22

    khebin gorimd oruul delkhii korona virustei khamt ajillaj amidarch bna bid toirch chadakhgui khumuust khuvin khariuzlagiig n uuruul oor argagui

  • Хурдан шинжилээч ээ . (64.119.17.175)

    2020-11-22

    Хурдан шинжилээч ээ . 11 хоног гэрээсээ гарч чададгүй ээ . Ажил амьдрал орлого гээд бүх юм хаагаад үнэн хогийн байнаа . 21 хоногийн тусгаарлалтаас гараад 14 хоног гэртээ байхыг ямар мал нь болиулдаг байнаа. Тэр нэг жолооч нөхөр яасан их тэнэдэг дурак бээ . ub palast тоглолт үзэж буудалд орж караокед дуулж хуурдаж бүжиглэж үсчиж галзууруулжээ . Ингэж олон хүний амьдрал цаг хугацаа өр ширээр тоглох ямар хэрэг байнаа . Одоо наад нэг тандалт шинжилгээгээ хурдан дуусгаж энэ муу хөл хориогоо дуусгаач ээ .