Коронавируст халдварын эсрэг вакцинжуулалтад өчигдөр 50,371 иргэн хамрагджээ. Ингэснээр вакцины эхний тунгаа хийлгэсэн хүний тоо 466,946 боллоо.

Улаанбаатар хотод иргэдийг вакцинжуулахаар 82 цэгт 1,264 хүн эмч,ажилтан ажиллаж байгаа юм. Нийслэлд коронавируст халдварын эсрэг вакцин хийлгэвэл зохих хүн амыг тоог вакцины эхний тунгаа хийлгэсэн хүний тоотой харьцуулж үзвэл Улаанбаатарт хотын 18-аас дээш насны хоёр хүн тутмын нэг нь дархлаажуулалтад хамрагдсан байна.

Вакцины хоёр тунг хийлгэснээс тодорхой хугацааны дараа танд дархлаа тогтох тул иргэд та бүхэн халдвар хамгааллын дэглэмээ сайтар баримтлах шаардлагатай.

Вакцин хийлгэхийн ӨМНӨ анхаарах зүйлс:

COVID-19-ийн эсрэг вакцины талаар тодорхой мэдээлэлтэй байх,
Согтууруулах ундаа, мансууруулах төрлийн зүйл хэрэглэхгүй байх
Эмчийн үзлэгт орох,
Вакцин хийлгэсний дараа 30 минут ажиглалтад байх,
Дулаан хувцаслах,
Сүүлийн нэг сарын хугацаанд ямар нэг вакцинд хамрагдаагүй байх,
Вакцинжуулалтын цэгт очиж хийлгэх,
Халдвар хамгааллын дэглэмийг сахих /амны хаалт зүүх, гараа халдваргүйжүүлэх, хүн хоорондын зай барих.

Вакцин хийлгэсний ДАРАА анхаарах зүйлс:

Вакцин тарьсан хэсгийг хөндөхгүй, хүрэхгүй байх
Дулаан хувцаслах, хоёр хоног ус хүргэхгүй байх
Согтууруулах ундаа, мансууруулах төрлийн зүйл хэрэглэхгүй байх
Халдвар хамгааллын дэглэмийг сахих амны хаалт зүүх, гараа халдваргүйжүүлэх, хүн хоорондын зай барих.
Халуурах, ханиах зэрэг шинж тэмдэг илэрвэл 119 дугаарт хандах
Боолт хийх, эм, тос түрхэх, хөхний сүү, гялгар уут, бусад зүйлээр жин тавихгүй байх
Давтан тунгаа товлолт хугацаанд хийлгэх.