Зөвшөөрөлгүй байрлуулсан сурталчилгааг өнөөдрөөс буулгана

“Нийслэлийн нутаг дэвсгэрт гадна зар сурталчилгааны байгууламж байршуулахад дагаж мөрдөх журам”-ыг зөрчсөн гадна зар сурталчилгааны байгууламжийг албадан буулгах ажиллагааг энэ сарын 12-19-ний хооронд зохион байгуулахаар болжээ. Гадна талбайд сурвалчилгааны самбар байгууламж байрлуулах талаар Улаанбаатар хотын Ерөнхий менежерийн 2017 оны “Гадна зар сурталчилгааны байгууламжийг буулгах ажлыг зохион байгуулах тухай” А/242 дугаар тушаал байдаг. Гэтэл энэ журмыг зөрчиж, зөвшөөрөлгүй байрлуулсан гадна зар сурталчилгаанууд нь нийслэлийн өнгө үзэмжийг алдагдуулахаас гадна хөдөлгөөний аюулгүй байдалд ч сөргөөр нөлөөдөг.

Сурталчилгааг зөвшөөрөлгүй байрлуулах,  хураамжаа төлөхгүй байх, хориглосон бүсэд сурталчилгаабайрлуулах, түүнчлэн   хяналтын камер, хөдөлгөөн зохицуулах гэрэл дохио, авто замын босоо тэмдгүүдийн үзэгдэх орчинг халхлах, шугам сүлжээ, хамгаалалтын зурваст байрлуулах зэрэг нийтлэг дутагдал байгаа юм.

Энэ удаад нийслэлийн Энхтайваны өргөн чөлөө, Юнескогийн гудамж, Манлайбаатар Дамдинсүрэнгийн гудамж, Их тойруу /Намянжүгийн гудамж/, Бага тойруу болон түүнээс дотогш гудамж, Жуулчны гудамж, Нарны зам дагуу, Наадамчдын зам, Зайсангийн гудамж зэрэг газарт   байгаа зөрчил бүхий сурталчилгааны байгууламжийг албадан буулгахаар болжээ.  Энэ ажил өнөөдрөөс эхэлж байна.

  • Манай сайт таалагдсан бол лайк дараарай

Сонин хачин

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)