Энэтхэгт пауэрлифтингийн Азийн АШТ энэ сарын 1-5-нд болж, манай хоёр тамирчин медалийн тавцанд гарлаа. Тухайлбал, тэмцээний М-1 ангиллын -120 А.Отгонбаяр алтан медаль хүртсэн бол залуучуудын ангиллын 83 кг-ын жинд Х.Төртайван хоёр хүрэл медаль хүртсэн амжилтаар тивийн аваргын тэмцээнийг өндөрлүүлэв.А.Отгонбаяр суултын төрөлд 280 кг-ыг шахсан бол хэвтээгээс 230, газраас таталтаар 230 кг-ыг өргөж, нийлбэр дүнгээр алтан медаль хүртсэн байна. Харин Х.Төртайван хэвтээгээс 137 кг-ыг шахсан бол газраас таталтаар 235 кг-ыг татснаар хүрэл медаль хүртжээ.