Шилдэг тамирчдыг К.Роналдо тэргүүллээ
- 2018-05-24
- Спорт
- 0
Спортын ESPN суваг дэлхийн хамгийн алдартай 100 тамирчинг шалгаруулсан байна. Санал асуулгын дүнд Португалийн шигшээ баг, Испанийн “Реал Мадрид” клубийн тоглогч, хөлбөмбөгчин Криштиан Роналдо жагсаалтыг тэргүүлсэн байна. Жагсаалтын хоёрт АНУ-ын сагсан бөмбөгч Леброн Жеймс, гуравдугаарт Аргентиний шигшээ багийн довтлогч, хөлбөмбөгчин Лионель Месси нар эрэмбэлэгджээ.
Харин дөрөвдүгээр байрт Бразилийн хөлбөмбөгчин Неймар, тавдугаарт теннисчин Рожер Федерер багтсан бол гольфийн алдарт тамирчин Тайгер Вүүдс зургаад бичигджээ. К.Роналдо дэлхийн хамгийн алдартай тамирчдын жагсаалтыг 2016 оноос хойш тэргүүлж байгаа юм.
Х.ЗАЯА
Сэтгэгдэл (0)