Монголын Үндэсний Сайтын Хөгжлийн Нэгдсэн Холбоон дахь нийт гишүүн сайтууд болон уг салбарт ажиллагсдын нэгдсэн шинэ жилийн "Like” цэнгүүн өнгөрсөн пүрэв гарагт болж өнгөрлөө.

Уг цэнгүүнээр МҮСХНХ-н дахь Bolod.mn, Zaluu.com, Paparatsi.mn, Unen.mn, Arslan.mn, Info.mn, Zuv.mn, Ehlel.mn, Tur.mn зэрэг 100 гаруй цахим сайтуудын төлөөлөл оролцсон юм.

Монголын сайтын хөгжлийн нэгдсэн холбоо ажил бүтээлээрээ бусдыгаа манлайлан хошуучилсан сэтгүүлч нарыг "Цахим сэтгүүл зүйн тэргүүн”-ний ажилтнаар шагнаж урамшуулсан бөгөөд үүнд С.Отгонбаяр, Ц.Алдармаа, Бүдээхүү, О.Ачиймаа, Х.Соёл-Эрдэнэ, Ж.Эрдэнэчимэг нар, "Цахим технологийн тэргүүн”-ээр С.Даваасүрэн, Ж.Шижир нар шалгарсан бол "Цахим маркетингийн тэргүүн”-ээр С.Чулуунтогтох, Г.Эрдэнэтуяа нар, "Барилгын хөгжлийн төрийн нэрэмжит шагнал”-аар Ж.Алдар, "Барилгын хөгжлийн нарийн бичиг шагнал”-аар "Zaluu.com" сайтын сэтгүүлч Батчимэг нар тодорлоо.

Түүнчлэн энэхүү хүндэтгэлийн цэнгүүнээр 2018 оны шилдгийн шилдэг манлайлагч нарыг "Like”цомын эзнээр шалгаруулсан юм.

Үүнд:

Control.mn- "Шилдэг нэвтрүүлэг-2018”

Tur.mn- "Шилдэг менежмент-2018”

Arslan.mn-"Оны шилдэг лайв-2018”

Paparatsi.mn-"Шилдэг сэтгүүл-2018”

Inet.mn-"Шилдэг фото-2018” болон "Шилдэг хүмүүнлэгийн илч-2018” номинацид Ж.Нямаа, "Шилдэг орон нутгийн сайт”-аар Dundgovi.mn сайт шалгарлаа. Харин шилдгийн шилдэг сайтуудаар "Unen.mn”, "Fact.mn”, "Info.mn”, "Updown.mn”, "Zuv.mn”, "Ehlel.mn” зэрэг сайтуудыг шилдгүүдээр тодруулсан юм.

Ийнхүү Монголын цахим сэтгүүл зүйн хөгжлийг түүчээлэгчид хамтдаа амжилт бүтээл, алдаа оноогоо хуваалцан, нэгэн үдшийг аз жаргал, инээд хөөр, баяр цэнгэл дүүрэн өнгөрөөцгөөсөн билээ. Энэхүү "Like” цэнгүүн хүндэтгэлийн арга хэмжээнд "Камертон” хамтлагийн ахлагч, Төрийн соёрхолт дуучин Д.Болд, "Номин талст” хамтлагийн дуучин Т.Дэлгэрмөрөн, Дуучин П.Идэржавхлан, Амьд хөгжмийн "Чоно” хамтлаг, залуу уран бүтээлч, дуучин Naki болон Бичүү, СТА Б.Баяржаргал, Гитар уйлуулагч О.Гантулга, "Ub nigth” хамтлаг, Дуучин "Cитиман”, "MC Collection” хамтлагийн дуучин, раппер MB зэрэг уран бүтээлчид хүрэлцэн ирж ая дуугаа өргөсөн билээ.