Сураггүй болсон хоёр иргэнийг олжээ

Өчигдөр Дундговь аймагт малдаа яваад сураггүй болсон тухай хоёр дуудлага бүртгэгджээ. Тус аймгийн нутгаар өчигдөр шөнө хур тунадас орж салхи 18-20 метр секунд хүртэл ширүүсч цасан болон шороон шуурга шуурсан.

Дэлгэрхангай суманд 16:00 цаг орчимд малдаа явсан 25 настай эмэгтэй сураггүй болсон дуудлагын дагуу тус сумын Засаг даргаар ахлуулсан орон нутгийн иргэд алга болсон иргэнийг хайж, 24:00 цагт эсэн мэнд олсон байна.

Мөн Сайхан-Овоо суманд 46 настай эрэгтэй малдаа яваад сураггүй гэсэн дуудлагын дагуу тус сумын Засаг даргаар ахлуулсан орон нутгийн иргэд эрэн хайх ажиллагааг эхлүүлж шөнийн 02 цаг 30 минутын орчим эсэн мэнд олж ар гэрийнхэнд нь хүлээлгэн өгчээ. 

 

Б.Хулан

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)