Авлигатай тэмцэхэд зориулж 104 сая австрали долларын төсвийг баталлаа

Австрали Улсын Засгийн газар төрийн салбар дахь гэмт хэрэгтэй тэмцэх зорилгоор авлигатай тэмцэх байгууллага байгуулах ажилд зориулан 4 жилийн хугацаанд 104 сая австрали доллар зарцуулахаар болсон байна.

Хамтын нөхөрлөлийн хяналт шалгалтын хороо гэх ийм бие даасан байгууллага байгуулж, удирдлагад нь шударга, өндөр ёс зүйтэй нэг комиссар, хоёр орлогчтой байхаар шийдвэрлэжээ.

Австрали Улсын Хууль сахиулах салбарын хяналт шалгалтын хороог татан буулгаж, энэ байгууллагын бүтцийн нэгжид оруулах юм байна.

Энэ шинэ байгууллага Төрийн албаны хяналт шалгалтын чиг үүрэг гүйцэтгэснээр, төрийн бүх байгууллага, албан тушаалтнуудад хяналт тавьж, зөрчилд нь шалгалт явуулна. Ингэхдээ шалгалтын дүнг прокурорын байгууллагад хүргүүлж, эрүүгийн хэрэг үүсгэн шалгуулах юм байна.

Эх сурвалж:​​​​​​​ www.governmentnews.com.au

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)