Хэсэгчилсэн хорио цээрийн дэглэм тогтоов

Баян-Өлгий аймгийн Ногооннуур суманд тарваган тахлын болзошгүй тохиолдол бүртгэгдэж, нэг гэр бүлийн хоёр хүн нас барсан. Уг хүмүүс тарваганы түүхий мах, бөөр идсэн болохыг холбогдох газраас мэдээллэж байгаа юм. Одоогоор тус аймгийн төвд хөл хорио тогтоож, Эрүүл мэндийн яам, Улсын онцгой комисс, Зоонозын өвчин судлалын үндэсний төвийн мэргэжлийн баг газар дээр нь ажиллаж, тандалт судалгаа хийж байна.

Иймээс мэргэжлийн байгууллагаас дараах сэрэмжлүүлэгийг хүргэж байна. Тарвага агнахгүй байх, тарваганы гаралтай түүхий эдийг худалдан авахгүй байх, үхсэн болон хөдөлгөөн нь удааширсан тарваганд хүрэхгүй байх, тарваганы түүхий эд, махыг, хот, суурин газарт тээвэрлэж оруулахгүй байх, тарвага болон мэрэгч амьтны бөөс, бүүрэгт хазуулахгүй байх, тарваган тахлын дархлаажуулалтад хамрагдах, гэрийн тэжээвэр нохойг байнга уяатай байлгахыг анхаарууллаа.

Түүнчлэн тарвагатай харьцсан, бөөс бүүрэгт хазуулсан, халуурах, толгой өвдөх, дотор эвгүйрхэх, нүүр нүд улайх, булчин өвдөх зэрэг шинж тэмдэг илэрвэл ЗӨСҮТ-ийн 70282853, ХӨСҮТ-ийн 100 дугаарын утсанд яаралтай мэдэгдэнэ үү.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)