Г.Ханбүргэд М.Даваабанди нар хамтарсан бэлтгэлд гарчээ

"Алдар” спорт хорооны бөх Г.Ханбүргэд, М.Даваабанди нар Казахстаны Алматыд болсон олон улсын тэмцээнд амжилттай оролцжээ. Тэд одоо Казахстаны бөхчүүдтэй хамтарсан бэлтгэл хийж байгаа бөгөөд ирэх сарын 11,12-нд Кыргызстаны нийслэл Бишкект болох тэмцээнд оролцоод эх орондоо ирнэ.

 

Өнгөрсөн гуравдугаар сард бөхийн төрлүүдийн 23 хүртэлх насны Азийн аварга шалгаруулах анхдугаар тэмцээн Монгол Улсын нийслэл Улаанбаатарт болсон. Уг тэмцээний сонгомол бөхийн 67 кг-ын жинд Г.Ханбүргэд мөнгө, 55 кг-д М.Даваабанди хүрэл медаль хүртсэн.

 

Мөн тэд өнгөрсөн сард урд хөршид болсон насанд хүрэгчдийн Азийн аваргад зодоглосон юм.

 

Б.Номуун

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)