Өчигдөр буюу энэ сарын 13-ны 16.10 минутад нисэх хуваарьтай байсан “Хүннү эйр” компанийн Улаанбаатар-Мөрөн-Улаангом чиглэлийн онгоц зорчигчдоо цаг гаруй хүлээлгэжээ. Учир нь нэгэн эрхмийг хүлээсэн гэнэ. 

Тодруулбал Зам, тээврийн хөгжлийн яамны Төрийн нарийн бичгийн дарга С.Батболд тухайн онгоцыг хүлээлгэснээс үүдэж цаг орчим саатсан онгоцонд байсан хүмүүс тавгүйтэж, хүүхдүүд нь уйлалдаж байсан талаар тус онгоцонд зорчихоор суусан иргэн сошиал орчинд бичжээ. Тэрбээр цаг орчмын дараа онгоцонд орж ирэхдээ зорчигчдоос огт уучлал гуйгаагүй талаар тэнд байсан иргэд мэдээлэл өглөө.