АНУ-ын Флорида мужид нэгэн эрэгтэй банк дээрэмджээ. Тэр залуу нь хар нүдний шил, Санта-Клаусын малгай, хиймэл сахал зүүсэн байжээ. Дээрэмчин этгээд санхүүгийн байгууллагын дотор орж ирээд бэлгийн гялгар цаасаар боосон хайрцгийг банкны ажилтны өмнө тавиад “бэлэг”-ийг аюултай, дэлбэрнэ хэмээн сүрдүүлж, байгаа бэлэн мөнгөө бүгдийг нь өгөхийг шаардсан гэнэ. Айсан банкны ажилтнууд түүнд байгаа бүх мөнгөө өгсөн байна. Гэмт этгээд хэргийн газрыг орхин явангуут банкны ажилтнууд цагдаа дууджээ. Бүх ажилтнуудыг нь гадагш гаргаад мэргэжлийн хүмүүс бэлэгтэй савыг онгойлгож үзтэл дотор нь аюултай зүйл байгаагүй гэнэ.