Австралийн засгийн газар цагаачлалын төвд буй мянга мянган насанд хүрээгүй дүрвэгчдэд виза олгохоор болжээ. Энэ талаар тус улсын Цагаачлалын албаны дарга Скотт Моррисон “Цагаачлалын төвд арав хүртлэх насны хүүхэд болон тэдний эцэг эхэд Авсрали улсад амьдрах виза олгоно” гэжээ.

Харин энэхүү шийдвэр нь Науру болон Гэгээн Христийн арал дээр орогнож буй 150 гаруй насанд хүрээгүй дүрвэгчдэд хамаарахгүй ажээ. Сүүлийн жилүүдэд Авсрали улсад хууль бусаар цагаачлагчид болон дүрвэн ирэгсдийн тоогоороо дэлхийд тэргүүлэх болсон байна.