Наньжин-2014” залуучуудын II наадмын охидын 10 метрийн урт бууны дасгалд өрсөлдсөн Н.Ангирмаа VIII байрт шалгарлаа.10 метрийн урт бууны дасгалд 20 тамирчин өрсөлдсөнөөс найман тамирчин шигшээ буудлагад шалгараад байсан.

 Н.Ангирмаа 411.9 оноогоор VII байраар шалгарсан бөгөөд шигшээд тааруухан буудаж, наймдугаар байр эзлэв. Энэ дасгалд Швейцарь, Сингапур, Германы тамирчин медальт байрт шалгарсан байна. Ийнхүү залуучуудын наадамд өрсөлдөж буй Монголын таван тамирчнаас гурав нь тэмцээнээ дуусгалаа.
Жүдогийн Ц.Хулан VII, буудлагын Н.Ангирмаа VIII байрт шалгарав. “Наньжин-2014” залуучуудын II наадмын хоёр өдрийн дараах байдлаар 43 орон ямар нэгэн медаль хүртээд байгаагаас БНХАУ дөрвөн алт, нэг мөнгө, таван хүрэл, нийт 10 медаль хүртсэн амжилтаар тэргүүлж байна.