А.Дуда Зүүн Европт НАТО-гийн цэргийн бааз байршуулахыг уриалав
- 2015-08-25
- Дэлхий
- 0
Польшийн Ерөнхийлөгч А.Дуда албан тушаалаа хүлээн авсныхаа дараа анхны гадаад айлчлалаа хөрш зэргэлдээ Эстонид хийжээ. Тэрбээр Таллин хотноо хэвлэлийн бага хурал хийх үеэрээ Зүүн Европын орнуудад НАТО-гийн цэргийн баазуудыг байршуулах шаардлагатайг өгүүлсэн байна. Польшийн Ерөнхийлөгч энэ нь түүх, шударга ёсны байр сууринаас харвал зөв хэмээн өгүүлсэн аж. “Бидний хувьд найрсаг цэргийн анги нэгтгэлүүдийг НАТО-гийн бодит хилийн дагуу байршуулахыг санал болгож байна” хэмээн А.Дуда мэдэгджээ. Эстонийн Ерөнхийлөгч Томас Хендрик Ильвес түүний байр суурийг дэмжсэн мэдэгдэл хийсэн байна. Өмнө нь А.Дуда НАТО-гийн удирдлагууд Польшийг бүрэн эрхт гишүүний хувьд бус ердөө буферийн бүс хэмээн тооцдог хэмээн гомдоллосон аж.
Сэтгэгдэл (0)