Нийслэлийн I сургуулийн Л.Мягмар-Очир багштай 10Д ангийн 32 сурагчид сайн дураар Туул голын ойр орчмын хог хаягдлыг цэвэрлэх ажил зохион байгуулсан байна. Энэхүү цэвэрлэгээний ажилд ХУД-ийн ТҮТөв ОНӨААТҮГ хамтран оролцож, ажлын багажаар хангасан бөгөөд цэвэрлэгээнээс гарсан хог хаягдлыг ачиж тээвэрлэн ажиллажээ.

Өнгөрсөн долоо хоногт мөн дунд сургуулийн сурагчид сайн дураараа “Арслантай гүүр”-ийг угааж цэвэрлэн, будаж зассан юм. Ийнхүү сурагч багачууд нийслэлийн өнгө төрхийг цэвэр цэмцгэр байлгах, байгаль орчноо хамгаалах их үйлсэд нэгдсээр байна.

О.Түвшин