Электрон барааны HP компани шинэ загварын зөөврийн компьютероо өчигдөр танилцууллаа. HP Pavilion x360 нь уян дэлгэцтэйгээрээ онцлог юм. Өөрөөр хэлбэл, дэлгэц нь хойшоо бүрэн нугардаг учир зарим талаараа таблетны үүрэг гүйцэтгэж байна. 11.6, 13.6, 15.6 инчийн том, жижиг сонголттой. Компанийн онцолж буй15 инчийн компьютер нь цэнэгээ10 цаг барьдаг, i7 процессортой, NVIDIA Ge-Force 930M дүрслэлтэй, бүрэн мэдрэгч дэлгэцтэй юм. Мөн мөнгөлөг, алтлаг, хөх, ягаан, сувдан зэрэг өнгөний сонголттой гарах аж. Уян дэлгэцтэй компьютерыг ирэх дол дугаар сараас бор луулж эхэлнэ. Бүтээг дэхүүний үнэ хэмжээнээсээ хамаарч 380-560 ам.доллар байх гэнэ.

А.Даваахүү