Тансаг зэрэглэлийн автомашин үйлдвэрлэдэг “Aston Martin” компани Formula 1 уралдааны Red Bull багтай хамтарч hyper car бүтээхээр болжээ. Энэхүү машин нь LaFerrari-гаас ч илүү болно гэж автомашины хорхойтнууд үзэж байна. “Aston Martin” компанийнхны хэлж буйгаар V 12 хөдөлгүүртэй энэхүү машины хүч ба жин нь 1:1 харьцаатай байх гэнэ. Хэдийгээр одоо албан ёсны тоо гараагүй ч, мэргэжилтнүүдийн үзэж буйгаар бол AM-RB 001 нь 900 кг жинтэй, ойролцоогоор 1,000 морины хүчтэй болж магадгүй гэжээ. Тиймээс яг л уралдааны машин шиг хурдан болох юм. “Aston Martin” компанийн зүгээс уралдааны зориулалттай 25 ширхэг, хэрэглээний зориулалттай 100-150 ширхэг машиныг 2017 онд үйлдвэрлэхээр төлөвлөж байгаа ба аль хэдийнэ 200 хүн худалдан авах хүсэлтээ илгээсэн байна. Тус автомашин ойролцоогоор гурван сая ам.доллар хүрэх төлөвтэй байгаа ажээ.

Б.Номуун