П.Порошенко: Оростой гадаад харилцаагаа таслахгүй
- 2016-08-26
- Дэлхий
- 0
Украины Ерөнхийлөгч Петр Порошенко “Хэдийгээр Украин, ОХУ-ын харилцаа энэ цаг үед маш хөшүүн хүйтэн байгаа ч бид Москватай дипломат харилцаагаа таслах бодолгүй байна” гэжээ. Украины Гадаад хэргийн яамны хэвлэлийн төлөөлөгч Макеев “Украины зүгээс ОХУ-д консулын газраа байгуулсан шалтгаан нь тус улс дахь украинчуудыг хамгаалахад оршино. Манай улс Москватай дипломат харилцаагаа хэвээр хадгалан ОХУ-д ажиллаж, амьдарч буй Украины иргэдэд анхаарлаа хандуулах шаардлагатай юм” гэжээ. Харин ОХУ-ын Ерөнхийлөгч В.Путин “ОХУ-аас Украинд суугаа Элчин сайд Михайл Мурабовыг өнгөрсөн сарын 28-нд үүрэгт ажлаас нь чөлөөлсний зэрэгцээ Михайл Бабичийг шинэ Элчин сайдаар томилсон юм. Гэвч Украин шинэ Элчин сайдыг хүлээж авахаас татгалзсан. Киевийн зүгээс өнөө үед ОХУ-аас Украинд суух Элчин сайд томилох шаардлагагүй” гэжээ. Мөн ОХУ-ын Ерөнхий сайд Д.Медведев хэлэхдээ, “Киевтэй дипломат харилцаагаа таслахыг үгүйсгэхгүй” хэмээн мэдэгдэл хийсэн билээ.
Сэтгэгдэл (0)