БНХАУ-ын Ханжоу хотод болж буй “Их-20”-ийн дээд хэмжээний уулзалтын үеэр ОХУ-ын төрийн тэргүүн В.Путин, АНУ-ын Ерөнхийлөгч Барак Обама нар хаалттай уулзаж, хоёр талын хэлэлцээр хийжээ. Энэ талаар Кремлийн хэвлэлийн төлөөлөгч Дмитрий Песков “Ерөнхийлөгч Обама, Путин нар даваа гаригт хэлэлцээ хийхээр тохиролцсон. Хоёр улсын нэг нь Сирийн сөрөг хүчнийг, нөгөө нь эрх баригчдыг нь дэмжиж байгаа нь тус улсад энх тайван тогтоох явцын талаар эсрэг, тэсрэг байр суурьтай байна” гэжээ.