Эрчим хүчний яамны захиалгаар Баянзүрх дүүргийн 26 дугаар хорооны нутаг дэвсгэрт 12 А магистралийн шугам өргөтгөх явцад гүйцэтгэгч компани иргэдийн хооронд үл ойлголцол бий болж 4 сар гаруй үргэлжилж байна. Уг тулгамдсан асуудлыг шийдвэрлэхээр Хотын Ерөнхий менежер Дүнжингарав хорооллын оршин суугчид Эрчим хүчний яам, Эрчим хүчний  хөгжлийн төв, Улаанбаатар Дулааны сүлжээ ТӨХК, гүйцэтгэгч “Альянс тех” ХХК-тай удаа дараа уулзалт хийн, эрчим хүчний байгууллагаас 103,104,105,106-р байруудын  хэрэглээний халуун ус, дулааныг хязгаарласан байсныг цуцаллаа. Ингэснээр оршин суугчид хэрэглээний халуун ус, дулаанаар  2016 оны 09 дүгээр сарын 19-нөөс эхлэн хангагдсан. Мөн Хотын Ерөнхий менежер шугам шинэчлэх, барилга угсралтын ажлын техникийн шийдлийг дахин судалж үзэхийг холбогдох байгууллагуудад үүрэг болголоо.