Mobile хувилбар

Шинэ гүүрэн гарц тун удахгүй ашиглалтад орно

2017 оны 8 сарын 9

Баянзүрх дүүрэгт нэгэн шинэ гүүрэн гарц тун удахгүй ашиглалтад орно. Дарь эхийн гэр хорооллоос Сансар руу явж буй явган хүмүүс гэрлэн дохиогоор амжиж гарах гэж ихэд төвөг учирдаг. Ачаалал ихтэй эл уулзварт явган хүмүүст зориулсан гүүрэн гарц шинээр барьж байгаа юм.

Гүүрэн гарцыг барьж байгуулж буйтай холбоотойгоор өнөө оройноос эхлэн түр хугацаагаар зам хаахаар болсныг Замын цагдаагийн албанаас мэдээлж байна. Наймдугаар сарын 09-ний 23.00 цагаас наймдугаар сарын 10-ны 06.00 цаг хүртэл Дарь эхийн уулзвараас зүүн тийш Сансарын аюулгүйн тойрог хүртэлх авто замын тээврийн хэрэгслийн хөдөлгөөнийг түр хугацаанд хязгаарлан гүүрийн дам нурууны угсралтын ажил хийхээр болжээ. Иймд эрхэм жолооч та дээрх чиглэлээс бусад замыг сонгон хөдөлгөөнд оролцоно уу хэмээн Замын цагдаагийн албанаас анхаарууллаа.

Манай сайт танд таалагдаж байвал LIKE хийгээрэй. Танд баярлалаа.
Санал болгох
Сэтгэгдлийг ачааллаж байна ...