УИХ-ын Эдийн засгийн байнгын хороо сая хуралдаж Энхбаярын Батшугарыг Төв банк(Монголбанк(-ны дэд ерөнхийлөгчөөр  томилох асуудлыг хэлэлцээд хуралдаанд оролцсон гишүүдийн 100 хувийн саналаар дэмжжээ. Төв банк (Монголбанк)-ны дэд ерөнхийлөгч Э.Батшугар нь 1987 оны 5 дугаар сарын 19-нд Улаанбаатар хотод төрсөн. 1994-2000 онд нийслэлийн 14 дүгээр дунд сургуульд суралцаж байгаад 2000-2004 онд АНУ-д суралцан бүрэн дунд боловсрол эзэмшжээ. Тэрбээр 2004-2008 онд АНУ-ын Вентлигийн их сургуулийг эдийн засагч, санхүүч мэргэжлээр дүүргэжээ. Англи, орос хэлтэй. 2008-2010 онд Же Пи Морганд санхүүгийн мэргэжилтэн, 2011-2012 онд “Сод маргад” компанийн гүйцэтгэх захирал, 2012 оноос МАХН-ын гадаад харилцаа хариуцсан нарийн бичгийн даргаар тус тус ажиллаж байна.