Хөдөлмөрийн биржүүдийн зөвлөхүүдийг зорилтот бүлэг тус бүрийн сэтгэл зүйн онцлогт тохируулан, сэтгэл судлалын онолыг практик тоглоомын арга зүйтэй уялдуулан ажил мэргэжлийн чиг баримжаа олгох бүлгийн зөвлөгөө зохион байгуулах ур чадварыг чадавхжуулах юм.

Зөвлөхүүд багт хуваагдан үйлчлүүлэгчийг тоглоомоор дамжуулан оношлох, тэдний сэтгэл зүйн хаалт, айдсыг задлах, идэвхжүүлэх болон тоглоомын дараах сэтгэл зүйн дүгнэлтийг мэргэжлийн түвшинд чиглүүлэх бодит практик чадварыг эзэмших давуу талтай.

Уг үйл ажиллагааг ХХҮЕГ-н Хөдөлмөр бодлогын хэрэгжилтийн газрын дарга М. Батмагнай, Хөдөлмөрийн хувийн бирж хариуцсан мэргэжилтэн Д. Оюунгэрэл, Сэтгэл зүйн ухааны доктор Ph Э. Октябрьжаргал, Сэтгэл зүйч Б. Аззаяа, Сэтгэл зүйч, сургагч багш Г. Отгонцэцэг, А. Хишигдулам, Ц. Пүрэвсүрэн нар удирдан зохион байгуулж байна.