Даравч далдайж, булавч бултайна гэдэг үгийн биелэл ч гэж хэлж болохоор инээдтэй бас эмгэнэлтэй нэг зүйл олж сонсов. Хятадад нэгэн залуухан хос хүүхэдтэй болж бяцхан үрээ баяр хөөртэйгөөр тосч авчээ. Гэвч залуухан эцэг эх хоёр хүүхдийнхээ царайг хараад гүн шоконд орсон байна. Нэн ялангуяа аав нь золтой л цус харвасангүй. Учир нь цэвэрхэн царайлаг хоёр залуугийн дундаас төрсөн хүүхэд ёстой л хүн айж, нохой гаслан зугтаамаар царай муутай амьтан байжээ. Нярай хүүхэд эхийн хэвлийгээс мэндэлсэн даруй үрчгэр улаан арьстай, шүдгүй амтай, үсэрхэг биетэй гээд эхлээд харахад жаахан эвгүй санагддаг ч тэр хүүхэд бүр унжуу том хамартай, хэтэрхий дэлдэн чихтэй, дорвойж унжсан уруултай дэндүү муухай төрхтэй байсан байна. Тиймээс залуу эцэг шууд л голж “Энэ миний хүүхэд биш. Би эцэг тогтоох шинжилгээ хийлгэнэ" гээд зүтгэчихжээ. Дөнгөж төрсөн тулгар биетэй залуухан ээж ч уйлж хайлаад сүйд болсон байна. Тиймээс эмч нар энэ эвгүй байдлыг эвэнд нь оруулахын тулд хүүхдэд ДНК-гийн шинжилгээ хиисэн аж. Гэтэл яах аргагүй л нөгөө цэвэрхэн царайлаг залуугийн төрсөн үр болж таарсан байна. Энэ үгийг сонсоод залуу ихэд харуусан гашуудаж “Би ийм царай муутай биш. Манай удамд ч ийм царай муутай хүн байхгүй. Миний эхнэр ч бас цэвэрхэн царайлаг. Гэтэл яахаараа ийм хүүхэд төрдөг байна" хэмээн хувь заяандаа гоморхон шаналаад эмнэлэгийн шалан дээр толгойгоо тэврээд суучихжээ. Харин энэ үед эхнэрийн нь талын нэг хамаатан зориг гаргаж бүх үнэнийг хэлсэнээр залуу бүр ч их хямарсан байна. Эхнэрийн нь хамаатан түүнд залуухан царайлаг эхнэр нь үнэн хэрэгтээ ямархуу царай зүстэй байсан болохыг гэрчилсэн зураг үзүүлээд олон мянган ам.доллараар мэс засал хийлгэсэнээр одоогийн төрхөө олж авсан хэмээн эхнэрийн нь нууж явсан нүцгэн үнэнийг дэлгэжээ. Хүний төрөлхийн төрх гэдэг хэчнээн засч додомдоод ч хэвээрээ л байдаг, өөрөө нэгэн цагт өөрчиллөө ч үр удамд нь тэр чигээрээ хуулбарлагдан гарч ирдэгийг энэ явдал харуулж байгаа юм. Хятад, Солонгос, Япон зэрэг орнуудад гоо сайхны мэс засал чинээндээ тултал хөгжиж, охид гэлтгүй хөвгүүд залуус нь хүртэл мэс заслын ширээн дээр ахин мэндэлж байгаа билээ. Хиймэл давхраа, хиймэл хамар, хиймэл уруулаас эхлээд өргөн шанаагаа нарийсгасан, шаамий эрүүгээ хөрөөдүүлсэн, хялар нүдээ засуулсан, орсгой шүдээ тэгшлүүлсэн үй олон хүн Азийн эдгээр орнуудад амьдарч байгаа юм. Тэгвэл тэд эхнээсээ төрөлх гоо сайхан хэзээ ч гундаж гутдаггүй тэрэн шиг төрөлхийн үзэмжгүй төрх хэзээ ч арилдаггүй болохыг мэдэрч амиа хорлохоос наахнуур юм болж байгаа нь энэ. Азийн улс орнуудад дэлгэрсэн хиймэл гоо сайхныг шүтдэг синдром манайханд хүртэл нөлөөлсөнөөс урлагийн салбарынханаас маань маш олон хүн мэс заслын ширээн дээр нэгээс дээш удаа хэвтчихээд байгаа юм. Дуучин Ариунаа, Баясгалангаас эхтэй энэ үзэгдэл залуу дуучдад маш хурдан халдварласанаас Улаанбаатарын гудамжаар дүүрэн адилхан хүүхэн бий болсон гэх яриа ч гараад байгаа. Тэгвэл мэс заслын ширээн дээр мэндэлсэн охид бүсгүйчүүд маань тухайлан нэр зааж хэлбэл дуучин Нара, Ану, “Гурван охин’’ хамтлагийн Солонго гэх мэтийн хүүхнүүд одооноос сэтгэл зүйн бэлтгэлтэй байж оригоороо байх үеийн зургаа ханилан суух хүмүүстээ үзүүлж байхад гэмгүй юм байна. Эс тэгвэл цаадуул нь хятад залуу шиг шоконд орж бүр нялх үрээ хүртэл “Минийх биш" гэж сэрдэх нь байна шүү дээ.