Өнгөрсөн долоо хоногт зохион байгуулагдсан Дархан-Уул аймгийн Хүүхдийн нэгдсэн чуулганы үеэр ерөнхий боловсролын сургуулийн сурагчид өөрсдөд нь тулгамдаж буй асуудлуудыг аймгийн удирдлагуудад уламжилсан юм.

Энэ үеэр шатахууны хомсдол, такси үйлчилгээний үнэ тарифын өсөлттэй холбоотойгоор сурагчдыг нийтийн тээврээр үнэ төлбөргүй зорчуулах хүсэлтийг аймгийн Засаг даргад тавьсан.

Хүүхдүүдийн хүсэлтийг нэн даруй шийдвэрлэж, өчигдрөөс буюу 10 дугаар сарын 26-ны өдрөөс эхлэн ерөнхий боловсролын сургуулийн сурагчид нийтийн тээврийн автобусаар үнэ төлбөргүй үйлчлүүлж эхэлжээ.