Өнгөрсөн долоо хоногт ХӨСҮТ-ийн ДОХ/БЗДХ-ын тандалт судалгааны албанд 1046 хүн хандаж үйлчлүүлсэнээс 600 хүн нь  урьдчилан сэргийлэх болон сайн дурын зөвлөгөө шинжилгээнд хамрагдсан байна.  Нийт үйлчлүүлэгчдээс тэмбүү 21, заг хүйтэн 26, трихомоназын 15 өвчлөл илэрч эмчилгээ, хяналтад оржээ. Харин өнгөрсөн гуравдугаар сард ХДХВ-ДОХ-ын халдварын дөрвөн тохиолдол бүртгэгдсэн байна. Эдгээр тохиолдол нь эрүүл мэндийн байгууллагад хандаж үйлчлүүлэх явцад илэрч, онош нь батлагдсан бөгөөд 30-39 насны эрэгтэй хүмүүс аж.