“Бүсгүй” эмнэлгийг охид, эмэгтэйчүүд сайн мэднэ. тэднийх нилээд олон салбартайн нэг болох Төмөр замын эмнэлэгийн хойд хаалгаар орох салбарт ийм нэгэн явдал болжээ. Тус эмнэлэг анхандаа эмэгтэйчүүдийн дунд нэр хүнд сайтай байсан ч сүүлийн үед тус эмнэлэг элдэв эмчилгээ хийж, зарим нэг үйлчлүүлэгчээ бүр цусаар шээхэд хүргэжээ. 25 настай У гэгч эмэгтэйд үзлэг хийсэн тус эмнэлгийн эмч үрэвсэл болсон, цистит хөдөлсөн тул угааж цэвэрлэх шаардлагатай гэж зөвлөөд энэ ажлыг өөрөө гардан хийхээр болж. Үйлчлүүлэгч У хүрэн өнгөтэй зүйл найруулахад нь “Та арай их тунгаар найруулаад байгаа юм биш үү?” гэж сануулсан ч тус эмнэлгийн эмч түүний үгийг үл тоомсорлон их хэмжээний марганцыг усанд найруулаад үйлчлүүлэгчийнхээ эмзэг эрхтэнийг угаажээ. Үүнээс болж У-гийн бөгсөн бие тэр өдөртөө түлэгдэж, маргаашнаас нь өвдсөндөө цусаар шээж эхэлсэн тул өөр эмнэлэгт хандахаас өөр аргагүй нөхцөл байдал үүссэн байна. Тус эмнэлэгт үр хөндөх ажлыг ч ихээр хийдэг, зарим үед эмч нь үр зулбах эм уухыг ч зөвлөдөг тохиолдол байдаг гэнэ. Иймд холбогдох газрууд нь хууль бус үйл ажиллагаа явуулж байгаа эмэгтэйчүүдийн эмнэлгүүдийг шалгаж, дээр нь ийм эмнэлэгт ажилладаг эмч, сувилагч нар жаахан ч гэсэн бусдын төлөө гэсэн сэтгэлээр ажилдаа хандан мөнгө бодохоо болих хэрэгтэйг энэ мэдээллээр сануулахыг зорилоо.