АНУ-ын Висконсин мужийн фермер, 10 хүүхдийн эцэг Вернон Хершбергерийг үнээний түүхий сүү зарсных нь төлөө нэг жил хорих ялаар шийтгэж магадгүй байна. Висконсин мужийн хуулиар бол фермерүүд нэгдүгээрт үнээний сүү зарах лиценз зөвшөөрөл авах ёстой, хоёрдугаарт сүүгээ заавал сүү боловсруулах үйлдвэрт өгөх ёстой юм байна. Түүнээс биш түүхийг сүүг хэрэглэгчдэд худалдах хориотой гэнэ.Харин Хершбергер сүүгээ үйлдвэрт тушаахыг хүссэнгүй, өөрийн танил, хөршүүдийнхээ хүрээнд клуб байгуулан хувьцаа эзэмшүүлж ногдол ашигт нь шинэ сүүгээ өгсөн гэнэ. Энэ нь хэдэн жил үргэлжилснийг мэдсэн хууль тогтоогчид түүнийг лиценз зөвшөөрөлгүй, сүүний үйлдвэртэй гэрээ байгуулж сүүгээ тушаагаагүй, хэрэглэгчдэд түүхий сүү зарсан хэрэгт буруутгаж эхэлжээ. Энэ бүхний төлөө түүнд нэг жил хорих ял, 10 мянган долларын торгууль оногдуулж магадгүй байна.