Бусдын амь нас, эрүүл мэндийг аврахын төлөө 12 литр цусаа хандивласан хүмүүст “Хүндэт донор” цол өгч, тусгай үнэмлэх олгодог. Харамсалтай нь энэ үүргээ биелүүлдэг хүмүүс цөөрснөөс байгууллага хамт олон сайн дураараа аян хөдөлгөөн өрнүүлэн цусаа хандивлах болсон. Тиймээс Цус сэлбэлт судлалын үндэсний төвөөс мэдээлэл хийж доноруудад төрөөс үзүүлдэг хөнгөлөлт боломжийн талар дэлгэрэнгүй мэдээлэл өглөө. Тэд ж рашаан сувилалд нас харгалзахгүйгээр үнэ төлбөргүй амрах, жилдээ нэг удаа эмнэлгүүдээр зарим төрлийн шинжилгээ үнэ төлбөргүй хийлгэх эрхтэй юм байна. Мөн нийтийн тээврээр үнэгүй зорчих давуу эрхтэй болсон байна. Ийнхүү доноруудыг бусдын эрүүл мэндийг хамгаалах их үйлсэд нэгдсэнийх нь төлөө нийгмийн хэрэгтэй үйлчилгээг давуу эрхтэйгээр олгож байх бодлогыг албаныхан баримтлах болжээ.