Эрүүл мэндэд хамгийн хортой ч бид огт тоодоггүй “Mistol-200” гэх үр зулбуулдаг эмийн бизнес Монголд хараа хяналтаас гарчээ. “Энэтхэг барааны дэлгүүр” нэртэй сүлжээ дэлгүүрүүд сүүлийн үед Монголд олширсон. Гэтэл энэ дэлгүүрт хийсэн шалгалтаар “Mistol-200” гэх эмийг худалдаж байсан нь илэрчээ. Тэд энэ эмийг лангуун дороо нуугаад “ходоодны эм” хэмээн борлуулж байжээ. Зөвхөн үр зулбуулах ч бус, хуурамч эм 10 гаруйг тус дэлгүүр байнга борлуулдаг байсан аж. Ямартай ч хууль бус эмийн энэ наймааг цагдаагийнхан шалгаж эхлээд байна. Харин Прокурор дээрх хэргийг хэрхэх эсэх нь одоогоор тодорхойгүй байна.