Сонгинохайрхан дүүрэг буюу Саппорогийн хойно байрлах “Мөнгөнгүүр” эмнэлгийн үйл ажиллагааг нийслэлийн Мэргэжлийн хяналтын газраас шалгажээ. Тус эмнэлгийн зарим эмч эмчлэх эрхгүй, хууль бусаар ажиллаж байгааг иргэд мэдээлсний дагуу Эрүүл ахуйн халдвар хамгааллын хяналтын байцаагч, Эмнэлгийн тусламж, үйлчилгээний чанарын хяналтын улсын байцаагч нар өнгөрсөн долоо хоногт шалгалт хийсэн байна.
Шалгалтаар тус эмнэлэг нь эмнэлгийн үйл ажиллагаа явуулах тусгай зөвшөөрөлгүй байсан нь тогтоогдсон гэнэ. Улсын байцаагчийн 31-03-332/58 тоот актаар үйл ажиллагааг нь түр зогсоох арга хэмжээ авсан ч үйл ажиллагаа явуулсаар байсан аж.