Монгол Улсад эрүүл мэндийн даатгалын тогтолцоо үүсч хөгжсөний 20 жилийн ой тохиож байна. Энэхүү ойн хүрээнд Эрүүл мэндийн даатгалын асуудлаар олон улсын бага хурлыг анх удаа зохион байгуулахаар болоод байна.

Бага хурал өнөөдөр “Blue Sky”-д эхлээд хоёр хоног үргэлжлэх юм. Энэ үеэр манай улсын эрүүл мэндийн даатгалын тогтолцоо ямар түвшинд байгаа, цаашид хэрхэн шинэчлэх, манай улсын эрүүл мэндийн даатгалын тогтолцооны шинэчлэлийг бусад улс орнуудын туршлагатай харьцуулалт хийх юм байна.