Ц.Цолмон, З.Баянсэлэнгэ нар Н.Энхбаярыг батлан даасан

 

        Өчигдөр буюу 2016 оны гуравдугаар сарын 22-ны өдөр Авлигатай тэмцэх газрын байцаагчид МАХН-ын дарга Н.Энхбаярыг Төрийн ордонд байх үед нь байгаа газар нь очиж мэдүүлэг авъя гэсэн утгатай албан бичгийг өгсөн билээ. Тэгвэл өнөөдөр үүнтэй холбоотойгоор АТГ-аас сэтгүүлчдэд мэдээлэл хийлээ.

 

Уг мэдээллийн үеэр, АТГ-ын хэвлэл, олон нийттэй харилцах ажилтан Т.Мөнхтунгалаг "Өчигдөр буюу 2016 оны гуравдугаар сарын 22-ны өдөр АТГ-ын Төрийн ордонд нэвтрэх эрх бүхий байцаагчид иргэн Н.Энхбаярыг Төрийн ордонд байхад нь очиж, албан бичиг аваачиж өгсөн. Энэ талаар буруу ташаа мэдээллийг зориудаар тарааж байгаатай холбогдуулан өнөөдөр мэдээлэл хийж байна” гэв. Харин АТГ-ынхан Шадар сайд Ц.Оюунбаатарын өрөөнд дайрж орсон гэх мэдээлэлд, “Дайрч орсон асуудал байхгүй. Төрийн ордонд нэвтрэх эрх бүхий байцаагчид иргэн Н.Энхбаярт Монгол Улсын Эрүүгийн Байцаан Шийтгэх Хуульд заасны дагуу мөрдөн байцаалтын ажиллагааг шуурхай явуулах зорилгоор мөрдөн байцаагч түүний байгаа болон товлосон газарт очиж уулзах саналыг хүргүүлсэн. Авлигатай Тэмцэх Газрын зүгээс хууль биелүүлэхийн тулд боломжит бүхий л байдлаар ажиллаж байна” гэлээ.

 

МАХН-ын дарга Н.Энхбаяр нь Эрүүгийн хуулийн 133.1, 148.4-т заасан гэмт хэрэгт сэжигтнээр тооцогдон шалгагдаж байгаа. Эрүүгийн хэрэгт шалгагдаж байгаагийн хувьд хуулийн байгууллага дуудсан цагт хүрэлцэн ирэх үүрэгтэй гэдгийг АТГ-аас тайлбарлалаа. Тус газраас өнөөдрийг хүртэл  Н.Энхбаярт нийт таван удаа зарлан дуудах хуудас хүргүүлжээ. 

 

Улмаар АТГ-ынхан Эрүүгийн байцаан шийтгэх хуульд заасан мөрдөн байцаалтын ажиллагааг шуурхай явуулах үүднээс сэжигтэн Н.Энхбаярт байцаалт өгөх албан бичиг хүргүүлсэн юм байна. Мөн АТГ-аас МАХН-ын дарга Н.Энхбаярт бусдын батлан даалтад өгөх, таслан сэргийлэх арга хэмжээ авчээ. Учир нь, Батлан хамгаалахын сайд Ц.Цолмон, Барилга хот байгуулалтын сайд З.Баянсэлэнгэ нар иргэн Н.Энхбаярыг дуудсан цагт хариуцан ирүүлж байх үүргийг бичгээр авсан байна.

 

Б.Заяа

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (4)

  • (202.9.43.165)

    2017-02-12

    Одоо болио, хэрэг хэрэг биш боллоо, удлаа,сөргөлдөхөө аль аль тал нь зогсоо. Энхбаярт монголчууд итгэсэн, баярласан одоо ингээд зууралдаад байх хэрэггүй,номынхоо ажлыг хийгээд тайван байгаачдээ.

  • zochin (103.229.120.209)

    2016-03-24

    Xereg xiisen bol yaliin edluuleechee. Yond ni aigaad bdag bnaa.

  • (103.229.121.241)

    2016-03-24

    ингэж амьтан болох гэж урт шар дээлт..... эрүүл хүний гаргах авир биш дээ. шалгуулахгүй, шоронд суухгүй ганцхан саарал ордонд байна гээд зүтгээд бдаг. хүүгээ мб-д оруулсан.

  • (103.229.121.241)

    2016-03-24

    ингэж амьтан болох гэж урт шар дээлт..... эрүүл хүний гаргах авир биш дээ. шалгуулахгүй, шоронд суухгүй ганцхан саарал ордонд байна гээд зүтгээд бдаг. хүүгээ мб-д оруулсан.