Өрийг өрөөр дарж, өдөр хоногийг өнгөрөөж байна, АН-ынхан

 

        Сүүлийн хоёр гуравхан жилийн дотор 3.2 их наяд төгрөгийн дотоод өрийг үүсгэсэн Засгийн газар 900 гаруй тэрбум төгрөгийн ал-дагдалтай батлуулсан улсын төсвийн цоорхойг нөхөх зорилгоор Швейцарийн Credit Suisse банкнаас 250 сая ам.долларын зээл авсан. Энэ нь таван жилийн хугацаатай, 7.2 хувийн хүүтэй зээл бөгөөд (500 тэрбум гаруй төгрөг) үүнийг Засгийн газрын өндөр хүүтэй бондыг худалдан авах, түүгээрээ арилжааны банкуудыг тэт-гэж, хувийн хэвшлийнхэнд зээл олгох, цаашилбал, гаднаас авсан өндөр хүүтэй зээлээ дарахад зориулна гэж Сангийн яамныхан мэдээлж байна. Товчхондоо, хойд хормойгоороо урдахыг нь нөхөх явуургүй бодлого баримталж байгаа гэсэн үг. Энэ нь Өрийн удирдлагын тухай хуульд хамаарахгүй, өрийн таазад нөлөөлөхгүй гэж яамны мэргэжилтнүүд тайлбарлаж байгаа боловч өр л бол өр шүү дээ. Оросын нэг дипломатч “Үнэгүй бяслаг хавханд л байдаг юм” гэж ардынхаа зүйр цэцэн үгнээс эшлэн бидэнд анхааруулга өгч байсан шиг эргэж буцахгүй өр гэж хаана ч байдаггүйг санахад илүүдэхгүй биз ээ.

 

Нөгөө талаар Credit Suisse-ээс зээлсэн 250 сая ам.долларынхаа 70 саяыг Канадын “Хан ресурс”-ийн төлбөрт явуулах тухай ярьж байгаа гэх мэдээлэл бий. Энэ тохиолдолд бага хүүтэй дээрх зээлийн гуравны нэг орчим нь эрх мэдэлтнүүдийн болчимгүй үйл ажиллагааны төлбөр болж, улсын төсөв, ард иргэдийн амьдралд ч наалдсан юмгүй данснаас дансанд шилжээд салхинд хийсэн арилаад өгнө гэсэн үг. Түүнээс гадна эрх баригчид төсвийн цоорхойг нөхөх үүднээс гаднаас 500 сая ам.долларын зээл олохоор зүтгэж байгаагийн эхнийх нь дээрх 250 сая гэж ярьж байгаа. Дахин 250 саяыг хаанаас, хэрхэн, хэдэн хувийн хүүтэйгээр олж ирэх нь одоо хэр тодорхойгүй байгаа ч Сангийн сайд Б.Болор Канадад болсон хөрөнгө оруулагчдын чуулганы үеэр 200 сая ам.дол-ларын зээлийн яриа хэлцэл хийсэн тухай мэдээлэл гарч байсан. Гэхдээ л “үнэгүй юманд нугасгүй” монголчуудад хэн ч зүгээр бэлэг өгдөггүй юм. Дөнгөж төрсөн нярайгаас дөрөө мултлах дөхсөн хөгшдийн өр өдрөөс өдөрт нэмэгдсээр л байна.

 

Д.Мөнхболд

 

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (8)

  • (103.26.195.66)

    2016-03-29

    2012-2016 оны үед байгуулагдсан Засгийн газрын авсан өр 9 тэрбум 924 сая ам.доллар байна. Харин 2008-2012 оны С.Баяр, С.Батболдын Засгийн газрын үед авсан өр 11 тэрбум 307 сая ам.доллар хүрсэн байгаа шүү. Үүнээс нь 400 орчим сая ам.долларыг Ардчилсан намын Засгийн газар барагдуулсан. Оюутолгойгоос авсан 350 сая ам.доллар, Тавантолгойгоос авсан 250 сая ам.доллар, мөн Оюутолгойд 34 хувь эзэмших зорилгоор авсан 770 сая ам.долларыг улсын төсөвт бүртгүүлээгүй байсан шүү. Хэн нь Засгийн эрхийг барихдаа хамгийн их өр тавьж вэ?.

  • Зочин (202.179.31.89)

    2016-03-29

    Арддчилсан намынхан өр тавьж авчирсан мөнгөнийхөө гуравны хоерыг нь идэж үлдсэн жааханаар нь зам тавьсан

  • зочин (202.21.106.155)

    2016-03-29

    Чамд тэгээд өөр арга байгаа юм уу?нэмэр болохгүй,ухаан уралдуулж чадахгүй, 4 жил хов хийсэн намуудын үгээр мөн ч их шагнал авч юм бичих юмдаа ?Хөөрхий!Төр, түмэн олныг хуурч өрөнд оруулаад байхад чи дуугарсан юм уу?Яагаад түмэн олны дунд яс шидээд байгаа "ГӨЛӨГ" бэ чи?

  • Хахаха (122.201.24.2)

    2016-03-29

    Чи хүнээс мөнгө зээлэхгүй амьдраад үз л дээ. Зээл аваад зээлээ төлөхөөр яачихаад байгаа юм бэ Өр нэмэгдээд байгаа юмуу. Өр зээлгүй улс орон байвал гаргаад ир. Тэр хамгийн хөгжилтэй гээд байгаа АНУ хүртэл хамгийн их өр зээлтэй мэдэв үү. Ажил хийж байгаа хүмүүсээ шүүмжлээд байдаг. Өчнөөн жил төр барьсан мөртлөө гал унтраах маягаар ажиллаж, өөр юу ч хийгээгүй МАН-аа шүүмжлээч. Доодох гарч гэсэн далд ор

  • zfjh (112.72.11.102)

    2016-03-29

    ANam odoo 7 n uuliin tsaaguur dald or

  • (202.179.25.244)

    2016-03-29

    тэнэг

  • (202.179.25.244)

    2016-03-29

    Гуйлгачин Монгол болов оо хөөрхий.

  • ИРГЭН (203.194.114.63)

    2016-03-29

    МАНАЙ НАМЫН ҮЕД МОНГОЛ ӨР ТАВЬЖ БАЙГААГҮЙ.ЭНЭ АН-ЫНХАН ТӨР БАРЬЖ ЧАДАХГҮЙ БОЛОХООР ӨР ТАВЬЖ БАЙНА.