М.Энхболд: Энэ удаагийн сонгуульд бид эвсэж чадаагүй ч “хагарсан шаазан эвлэнэ”

 

        МАН-ын бага хурал хоёр өдөр үргэлжилж өчигдөр өндөрлөсөн. Тэгвэл МАН-ын дарга М.Энхболд, УИХ дахь МАН-ын бүлгийн дарга С.Бямбацогт, УИХ-ын гишүүн Ч.Хүрэлбаатар, ЕНБД Ж.Мөнхбат нар мэдээлэл хийлээ. 

 

МАН-ын дарга М.Энхболд "Бид өнгөрсөн хоёр өдөр мөрийн хөтөлбөрөө батлах энэ асуудал дээр анхаарал тавьлаа. Улс орны эдийн засаг, нийгмийн амьдралыг ирэх дөрвөн жилд авч явах монгол орны бүхий л асуудлууд гадаад, дотоод, аж ахуй нэгж, бизнесийн байгууллагууд, төрийн байгууллагууд хоорондын харилцааг зохицуулж байгаа хууль эрх зүйн орчныг хэрхэн яаж өөрчилөх өнөөгийн нөхцөл байдлаас бид яаж гарах ёстой вэ? гэдэг талаар дэлгэрэнгүй ярилцсан, ойлголцсон ийм иж бүрэн тооцоотой судалгаатай хэрэгжих бүрэн үндэслэлтэй мөрийн хөтөлбөрийг МАН баталж өнөөдөр үндэсний аудитын газар өгч байна. Хоёрдугаарт, бид сонгуульд нэр дэвших журам, нэр дэвшигчийг тодруулах журам гэж баталсан. Энэ бол сонгуулийн хуулинд улс төрийн намуудад үүрэг даалгавар болгож өгсөн, үүнийг бид баталсан. Намынхаа анхан шатны, аймаг нийслэлийн, орон нутгийн нийт иргэдийн санал бодол дээр тулгуурлан бид нэр дэвшигчээ тодорхойлох ийм зохицуулалтыг хийх журмыг баталлаа. Зохион байгуулалтын асуудал хэлэлцсэн энэ асуудлаар намын бага хурлын гишүүдийг таван хүнийг орсон гарсан асуудлыг шийдсэн. Энд УИХ-ын Ц.Даваасүрэн, Х.Болорчулуун нар сонгуулийн өмнө намын гишүүнчилэлээ сэргээж сонгуульд бидэнтэй хамт, бидний дэвшүүлсэн мөрийн хөтөлбөрийн төслийг дэмжиж ажилахаа илэрхийлж намын бага хурлын гишүүн болсон. 

 

Бидний нэлээд их анхаарал тавьж цаг хугацаа зарцуулж энэ хуралд ач холбогдол өгсөн асуудал бол МАХН-тай эвсэж нийлэх тухай асуудал байсан. 17-ны Ням гарагт МАХН-тай сар гаруй хугацаанд эвсэх тухай асуудлаар зөвшилцөл хийж ажилсан хоёр ажлын хэсгийн дарга нар 6 зүйл дээр санал тохиролцож гарын үсгээ зурсан. Энэ гарын үсэг зурсан асуудлыг манай намын удирдах зөвлөл хэлэлцээд хэдийгээр анхнаасаа бидний тавьсан санал цөөн орсон байгаа ч гэсэн ажлын хэсгийнхний ажлыг үнэлж байна. Эвсэж сонгуульд орох явдал нь эх орны эрх ашигт илүү нийцтэй юм гэж бид үүнийг хүлээн зөвшөөрч бага хурлаараа хэлэлцэж эвсэх шийдвэрийг гаргая гэж энэ асуудлыг хэлэлцсэн. Асуудлыг хэлэлцэж байх явцад эвсэхээр ярьж байсан МАХН-ын удирдлагуудын зүгээс гарын үсэг зурж баталж шийдсэн энэ гэрээ хэлэлцээртээ нэмэж өөрчилөлт оруулах ийм саналыг гаргасан. Та бүхэнд би нэг жишээ хэлье, бид 80:20 гэж эхэлж манай нам санал болгосон. МАХН 60:40 гэж санал болгосон. Ажлын хэсгийн дарга нарын гарын үсэг зурж тохиролцсон ойлголцсон тэр баримт бичигт 33:67 гэдэг ийм хувь проценс байсан. Эндээс л хэн хэнийхээ саналд хүндэтгэлтэй хандсаныг харж болно. Дөрвөн жил удирдлага болгож авч явах бичиг баримтаа дөрөв хонож чадалгүй гурав дахь хоногоос өөрчилөх саналыг бидэнд тавьсан явдал бол үнэхээр итгэл алдсан. Мөн санамж бичгийн 5 дугаар зүйл эргэж буцахгүй гэдэг зүйлээ зөрчсөн ийм явдал боллоо. Ингээд бид ийм өөрчилөлт оруулах боломжгүй гэсэн МАХН заавал өөрчилөлт оруулна гэж зүтгэсэн. Бидний багагүй хугацаанд хүсч төлөвлөж байсан тэр эвсэл биелэлээ олж чадсангүй. Гэхдээ би МАХН жирийн гишүүдэд хандаж хэлэхэд энэ удаагийн сонгуульд бид эвсэж чадаагүй ч гэсэн ер бол цаашдаа хагарсан шаазан эвлэнэ гэж байдаг. Энэ хоёр нам эвлэж нэгдэх ийм асуудал байсаар байх болно. Байлгахын төлөө бид бас зүтгэнэ” гэлээ.

 

Үүний дараа сэтгүүлчдийн сонирхсон асуултад намын дарга М.Энхболд болон ЕНБ-ийн дарга Ж.Мөнхбат, УИХ дахь МАН-ын бүлгийн дарга С.Бямбацогт МАН, МАХН 2016 оны сонгуульд хамтарч оролцох ажлын хэсгийн ахлагч Ч.Хүрэлбаатар УИХ-ын гишүүн Н.Энхболд нар хариулт өгсөн.

 

-МАН болон МАХН-ын дарга нар өчигдөр орой Төрийн ордонд уулзаж ярилцсан гэсэн. Уулзалтаар юу ярьсан бэ?

 

М.Энхболд: -Бид МАХН-ыг 16.00 цагт эвсэх эсэх асуудлаар эцсийн хариугаа өгөхийг сануулсан. Гэвч 17.00 цаг хүртэл ямар ч хариу өгөөгүй. Харин 18.00 цагийн үед манай намд МАХН-аас бичиг ирж, хоёр намын даргыг ажлын хэсэгтэй уулзуулах санал тавьсан. Бид Бага хурлаа өндөрлүүлэх гэж байсан боловч түр завсарлаж Төрийн ордонд уулзсан. МАХН-ын дарга хэд хэдэн нэмэлт санал тавьсан. Уулзалт 3 цаг гаруй үргэлжилсэн. МАХН-ын удирдлага эвсэх тал дээр хичээл чармайлт гаргах бодолгүй байгаа юм байна гэж үзсэн.

 

-Эвсэх асуудлыг нээлттэй үлдээсэн гэдгийг юу гэж ойлгох вэ?

 

-УИХ-ын сонгуулийн үр дүн яаж гарахыг хэн ч мэдэхгүй. Хэрвээ сонгуулийн дараа олонх бүрдээгүй УИХ бий болбол МАН хэнтэй ч эвсэж энэ улс орны төлөө зүтгэхэд бэлэн. Өчигдөр муудсан, өнөөдөр ярихгүй гэдэг юм байхгүй. Улс орны эрх ашгийн төлөө, ард түмний эрх ашгийн төлөө хэнтэй ч шинэ ауудал үүсгээд хамтраад явах бололцоотой.

 

-Ажлын хэсгийн ахлагч Ч.Хүрэлбаатар, Ч.Улаан нарыг эвсэх асуудлаар сэтгүүлчдэд мэдээлэл хийж байхад МАХН-ын дарга Н.Энхбаяр ажлын хэсгээс гарсан зөвшилцөлд хүрсэн баримтыг бариад Ардчилсан намын даргатай хэлэлцээр хийх маягийн юм хийгээд явж байсан гэх мэдээлэл цацагдаад байна. Энэ тал дээр та бүхэнд мэдээлэл байна уу?

 

Ч.Хүрэлбаатар: -МАН, МАХН сонгуульд эвсэж орох асуудлаар ажлын хэсэг байгуулан ажилласан. Мэдээлэл хийсний дараагаар МАХН-ын дарга, Ардчилсан намын даргатай уулзсан гэдэг мэдээлэл ирсэн. Бид сонгуульд хамтарч оролцох санамж бичиг байгуулсны дараа бусад улс төрийн хүчний удирдлагатай уулзаад яриа хийгээд яваад байгаа нь эвсэх асуудлыг эргэлзээнд оруулж байна гэдэг бичгийг явуулсан. Бид тэдний уулзаж байгааг нүдээрээ хараагүй. Гэхдээ буцаад бидэнд өгсөн хариундаа “Бидний бусад намуудтай хийсэн яриа МАН-тай эвсэхэд нөлөөлөхгүй” гэсэн байсан ч хүлээн авах боломжгүй саналуудыг тавьж эхэлсэн.

 

-Эвсэх ажлын хэсэг мэдээллээ Н.Энхбаяр даргад мэдээлэхгүй байсан юм уу?

 

-МАХН-ын ажлын хэсэг дотооддоо ажлаа яаж зохион байгуулж байсныг мэдэхгүй. МАН-аас гарч ажилласан ажлын хэсэг уулзалтын үр дүн хэлцэж зөвшилцөж байсан.

 

-МАХН мөрийн хөтөлбөрөө эвсэх болон эвсэхгүй гэсэн хоёр хувилбараар боловсруулсан гэсэн. Танай нам мөрийн хөтөлбөрөө яаж боловсруулсан вэ?

 

С.Бямбацогт: -Сонгуулийн мөрийн хөтөлбөрийг боловсруулах ажлын хэсгүүд байгуулсан. МАХН-ын ажлын хэсгийг сайд Ц.Цолмон хариуцан ажиллаж байсан. Эвсэх асуудал нэлээд эрчимтэй яригдаж, ажлын хэсгүүд ойлголцох үед мөрийн хөтөлбөрөө хэдийд нэгтгэх асуудлаар би Ц.Цолмон сайдтай уулзсан. Уулзаж ярилцаад мөрийн хөтөлбөрөө нэгтгэх асуудлаар зарчмын хувьд санал нэгдсэн. Өчигдөр орой 18 цагт МАН-ын мөрийн хөтөлбөр батлагдаагүй байсан. Харамсалтай нь МАН-тай эвсэхээр ярьсан МАХН өчигдөр 15 цагийн үед мөрийн хөтөлбөрөө түрүүлээд баталсан байсан. Бид бол эвслийн мөрийн хөтөлбөр гарна гэж хүлээж байсан. МАН-ын мөрийн хөтөлбөр бол ард түмний санаа бодолд тулгуурласан. Бид мөрийн хөтөлбөртөө хүүхдээ харж буй ээжүүдэд цалин олгоно. Нийт оюутанд 70 мянган төгрөг олгоно. 1072 хувьцааг амь оруулна гэх зэрэг асуудлыг хөтөлбөртөө тусгасан.

 

О.Заяа

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (6)

  • zochin (103.10.22.12)

    2016-04-26

    sunaliin debnvvd ***** amidaaraa ***** bolj ee ta nar shulaltai hulgaich

  • зочин (202.179.24.93)

    2016-04-21

    хагарсан шаазан эргэж наалддагүй юм цусаа буцалгаж хэлъе ман-ын 4-хөн настай мөлхөө жаалуудаа энхбаяр хэзээч та нарт дарлуулахгүй тэр бол шалгарсан удирдагч махн мандтугай энхбаяр мандтугай.

  • AX (150.129.143.109)

    2016-04-20

    Ard tumen hen ni hen be gedgiig medne dee

  • MAXH (95.143.5.162)

    2016-04-20

    UURSDIIGUU HEDEN HULGAACHDAA HAMGAALSAN namantsar

  • (46.166.186.221)

    2016-04-20

    bimbsogtu uher namyn nariin bicgiin dargyn urduur orj yariad ih lalartaj bnaa

  • АРД (59.153.115.226)

    2016-04-20

    Ч. ХҮРЭЛБААТАР ЁСТОЙ ЧАЦГА ЦАРАЙЛЖЭЭ КККК