МАХН энэ сонгуульд дангаараа оролцох болсоноо мэдэгдлээ

 

        МАХН-ын дарга Н.Энхбаяр болон тус намын удирдлагууд хэдхэн хормын өмнө Төрийн ордонд мэдээлэл хийлээ. Тус намынхан 2016 оны УИХ-ын сонгуульд дангаараа оролцохоор болсон гэдгээ энэ үеэр мэдэгдлээ.

 

Ингээд маргааш буюу энэ сарын 29-ний өдөр Сонгуулийн ерөнхий хороонд намынхаа Мөрийн хөтөлбөрийг хүргүүлэх гэнэ.

 

Өчигдөр болсон УИХ-ын чуулганаар, Үндсэн хуулийн цэцийн 2016 оны 5 дугаар дүгнэлтийг хэлэлцэж эхэлсэн ч УИХ дахь “Шударга ёс эвсэл”-ийн бүлэг завсарлага аваад байгаа юм. Тэгвэл МАХН-ын дарга Н.Энхбаяр Үндсэн хуулийн цэцийг нэг асуудлаар хоёр дүгнэлт гаргаж байна хэмээн шүүмжилж байв. Ямартай ч завсарлага авсан асуудлаараа ажлын хэсэг байгуулан ажиллаж байгаа аж.

 

Түүнчлэн МАХН-ын дарга Н.Энхбаяр энэ үеэр 2016 оны УИХ-ын сонгуульд өрсөлдөнө гэдгээ мэдэгдлээ. Түүний ялтай байх хугацаа нь Өршөөлийн хуульд хамрагдсанаар дуусгавар болсон гэнэ.

 

О.Заяа

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)