Төрийн байгуулалтын байнгын хорооны хурал эхлээгүй байна

 

УИХ-ын Төрийн байгуулалтын байнгын хорооны хуралдаан үдээс хойш 14.00 цагаас дахин зарласан ч ирц бүрдээгүйн улмаас одоог хүртэл эхлээгүй байна. 

 

Тус байнгын хороо өнөөдөр 09.00 цагаас хуралдахаар товлож, “Монгол Улсын Их Хурлын сонгуулийн тойрог байгуулах, тойргийн мандатын тоо, дугаар, нутаг дэвсгэр, төвийг тогтоох тухай” УИХ-ын тогтоолын төслийг хэлэлцэх байсан. Гэвч Сонгуулийн ерөнхий хороо саналаа ирүүлээгүй учир хойшлогдоод байсан юм. Харин үдээс хойш Сонгуулийн ерөнхий хороо саналаа УИХ-д ирүүлсэн учир дахин товлогдсон ч одоог хүртэл эхлээгүй байна. 

 

Уг асуудлаар сонгуулийн пропорциональ тогтолцооны 28 мандатыг тойргуудад хэрхэн хуваах асуудлыг хэлэлцэх ёстой юм. Мөн тус байнгын хороо Ерөнхийлөгчөөс өргөн мэдүүлсэн Засгийн газрын тухай хуульд өөрчлөлт оруулах тухай, Монгол Улсын Их Хурлын тухай хуульд өөрчлөлт оруулах тухай хуулийн төслүүдийг хэлэлцэнэ. 

 

О.Заяа

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • хас (103.57.94.47)

    2016-05-11

    ерөнхийлөгч та офшоре дансны асуудлаар өөрөө дансгүй бол байр сууриа илэрхийлэхгүй юу