Баянхонгор аймгийн Галуут сумын харьяат Монгол Улсын соёлын гавьяат зүтгэлтэн, нэвтрүүлэгч Ж.Батбаяр өвчний улмаас тэнгэрийн орноо одож, Монголын сэтгүүлзүйд нөхөж баршгүй уй тохиолоо.

Тэрээр сэтгүүлч, хөтлөгч мэргэжлээр 40 гаруй жил ажилласан ахмад нэвтрүүлэгчдийн нэгэн үеийн төлөөлөгч бөгөөд алтан хоолойгоороо сонсогч, үзэгчдэдээ танигдсан, хүлээн зөвшөөрөгдсөн энэ цагийн шилдэг нэвтрүүлэгч  байсан билээ.

Нэрт нэвтрүүлэгч Ж.Батбаярын гэр бүл, үр хүүхэд, төрөл төрөгсөд, ах, дүү хамаатан садан, анд найз, журмын нөхдөд нь гүн эмгэнэл илэрхийлье.