“Рио-2016” зуны олимпийн XXXI наадам, паралимпийн XV наадамд оролцох Монголын баг, тамирчдыг үдэн гаргах ёслол хоёр хоногийн өмнө Чингисийн талбайд болсон билээ. Рио 2016 зуны олимп эхлэхэд хэдхэн хоног үлдсэн байна.

Тэгвэл Монголын жүдочид энэ сарын 28-ны өдөр “Рио-2016" олимпийн наадмыг зорих нь. “Рио-2016" олимпийн наадмын жүдо бөхийн тэмцээн наймдугаар сарын зургааны өдөр эхлэх юм. Монголын жүдо бөхийн үндэсний шигшээ багийн дасгалжуулагч О.Балжиннямаар ахлуулсан 60 гаруй тамирчид “Рио-2016” олимпийн бэлтгэлийг Хандгайтад байрлах “Монголын үндэсний олимп” цогцолборт базааж байгаа ажээ.

О.Сайхан