Арабын нэгдсэн Эмират улсад болсон жүдо бөхийн “Их дуулга” тэмцээний эмэгтэйчүүдийн 48 кг-ын жинд Монгол Улсын гавьяат тамирчин М.Уранцэцэг зодоглож, хүрэл медаль хүртлээ. Тэрбээр эхний тойрогт гоц мөргөж удаах барилдаанаа Сербийн М.Николичитэй хийсэн ч юүко үнэлгээгээр ялагдсан. Улмаар хүрэл медалийн төлөө Францын бөхтэй зодоглож цэвэр ялжээ. Түүний барилдсан жинд Казахстан улсын нэрийн өмнөөс барилдаж буй олимпын хүрэл медальт Г.Отгонцэцэг аваргын төлөө М.Николичийг цэвэр ялж, түрүүлсэн байна. Тус тэмцээнд 33 орны 184 тамирчин өрсөлджээ.