Энэ жилийн үндэсний их баяр наадмын хүчит бөхийн барилдаанд Хөвсгөл аймгийн Тосонцэнгэл сумын уугуул Ц.Содномдорж түрүүлж, Хөвсгөл нутгаас 10 жилийн дараа дахин арслан төрсөн билээ. Монгол Улсын арслан Ц.Содномдоржийн цолны мялаалга өнгөрсөн долдугаар сард түүний төрсөн нутаг Тосонцэнгэл суманд болсон бол өнгөрөгч пүрэв гарагт Улаанбаатар хотод боллоо.

Түүний цолны мялаалга ёслолд дархан аварга Ж.Мөнхбат, Б.Бат-Эрдэнэ, А.Сүхбат, аварга С.Мөнхбат нарын бөхчүүдээс гадна түүний гэр бүл, төрөл төрөгсөд, нутгийн зон олон нь өргөнөөр ирсэн байна.

Энэхүү ёслолд шинэхэн арслангаа Хөвсгөл нутгийн дөрөв дэх аварга болохыг ерөөж "Монос" группээс "King tower"-т дөрвөн өрөө байр, УИХ-ын гишүүн Л.Энх-Амгалан "Цэлмэг" хотонд гурван өрөө байр, "Инсада холдинг" компаниас гурван өрөө байр бэлэглэжээ.