Омикрон цар тахлын сүүлийн давлагаа юу?

ӨАБНУ-д өнгөрсөн оны арваннэгдүгээр сард бүртгэгдсэн коронавирусийн сүүлийн хувилбар болох “омикрон” дэлхийн 100 гаруй оронд тархаад байна. Харин манай улсад нэгдүгээр сарын 9-нд таван тохиолдол бүртгэгдсэнээр дөрөв дэх давалгаа эхэлж байгааг ЭМ-ийн сайд С.Энхболд мэдээлсэн. Тэгвэл омикрон хувилбарын өвчлөл, халдварлах чадвар, хор хөнөөл, вакцины эсрэг үйлчлэлийн талаар эрдэмтэд судалгааны үр дүнгээ танилцуулж эхлэв. Тухайлбал, зарим орны судлаачид омикроныг цар тахлын төгсгөл байж магадгүй гэсэн таамаглалыг дэвшүүлээд байгаа юм. ӨАБНУ-д бүртгэгдсэн омикроны анхны халдварын тохиолдлуудад хийсэн судалгаагаар омикрон хувилбарын халдварлах чадвар өндөр ч өвчлөл хөнгөн байгаа нь цар тахлын цочмог халдварын үе дуусч байгааг илтгэж байж магадгүй гэжээ. Тодруулбал, судлаачдын үзэж буйгаар омикрон нь COVID-19-ын халдвар нь ханиад шиг эндемик өвчин болох үе шатыг эхлүүлж байгаагийн дохио байх магадлалтайг дурдсан байна.

Омикрон хувилбарыг цар тахлын төгсгөл байж магадгүй гэсэн таамаглалын үндэслэл нь нас баралт, хүндрэл бага байгаатай холбоотой. Тухайлбал, Японы судлаачид омикрон нь дельтатай харьцуулахад хоёр дахин хурдацтай тархаж байгааг онцолжээ. Энэ талаар Японы Халдварт өвчин судлалын үндэсний хүрээлэнгийн Халдварт өвчний тандалтын төвийн дарга Сүзүки Мотой “Омикрон нь дельта хувилбартай харьцуулахад ноцтой хүндрэл үүсгэх эрсдэл багатай боловч халдварын хурдацтай өсөлт нь эмнэлгийн ачааллыг нэмэгдүүлэх магадлалтай. Энэ хувилбар тархахаас сэргийлэхийн тулд яаралтай арга хэмжээ авах ёстой” гэжээ. Мөн Их Британи улсад хийсэн судалгаагаар омикрон хувалбарын давлагааны үед хүндрэл, нас баралт бага байхыг тогтоож хөл хорио, бусад урьдчилан сэргийлэх зорилгоор авах арга хэмжээг цуцлах шийдвэр гаргасан байна.

Харин ДЭМБ-аас үхлийн аюултай омикроныг хөнгөн гэж үзэхгүй, анхаарлаа сулруулахгүй байхыг сануулж дархлаажуулалтаа эрчимжүүлэхийг уриалж байгаа юм. Тухайлбал, сүүлийн долоо хоногт дэлхийн хэмжээнд халдварын тохиолдол 71, Америкт 100 хувиар өссөн байна. Манай улсад ч мөн халдварын тохиолдол сүүлийн хоногуудад эрс нэмэгдсэн. Тодруулбал, энэ сарын эхний долоо хоног болон өнгөрсөн оны арванхоёрдугаар сарын. сүүлийн долоо хоногт батлагдсан тохиолдлын тоо дөрөв дахин нэмэгдсэн байна. Мөн дэлхий даяар хүнд хэлбэрийн тохиолдлын 90 хувь нь вакцинд хамрагдаагүй байгаа аж. Энэ талаар ДЭМБ-ын дарга Тедрос Адханом Гебрейесус “Омикрон нь дельтатай харьцуулахад, ялангуяа вакцин хийлгэсэн хүмүүст бага зэрэг хүндэрдэг ч энэ нь хөнгөн гэж ангилагдах ёстой гэсэн үг биш юм. Өмнөх хувилбаруудын нэгэн адил омикроны хувилбараар өвчилсөн иргэд эмнэлэгт хэвтэж, нас барж байна.

Омикрон хувилбарын халдварлах чадвар өндөр бөгөөд коронавирусын эсрэг дархлаажуулалтад бүрэн хамрагдсан байсан ч халдвар авна. Гэхдээ коронавирусын эсрэг вакцин нь хүндрэлээс сэргийлэх тул чухал ач холбогдолтой хэвээр байгаа” гэдгийг онцолсон байна. Тэгэхээр ДЭМБ-ын зөвлөмжийн дагуу манай улс коронавирусийн дөрөв дэх давлагаанд бэлдэх шаардлагатай болоод байгаа юм. Учир нь манай улсад энэ сарын дунд үеэс омикрон давлагааны оргил үе эрчимжиж өдөрт 15-20 мянган тохиолдол илрэх урьдчилсан тооцоолол гарсныг Эрүүл мэндийн сайдын зөвлөх О.Батбаяр мэдэгдсэн. Тиймээс ЭМЯ-наас иргэдийг коронавирусийн эсрэг дархлаажуулалтын нэмэлт тундаа идэхтэй хамрагдахыг уриаллаа.

 

Б.БЯМБАЖАРГАЛ

Эх сурвалж: “Зууны мэдээ” сонин

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (2)

  • (103.57.94.89)

    2022-01-13

    tsar tahal geed haanaas iimhachin ug olood irevee,covis 19 geed delhiin erdemted sudalaad ali hezeenii virusig ni togtootson baihad,odoo mongold haashaain bainga covid 19 garch baisan ayatai delhiin erdemtedtei uraldaj ireel 1 hachin tsar tahal gedeg ug olood tavichihiin yuuch gej baigaan buu med

  • зээл (151.38.172.104)

    2022-01-12

    SKY EXPERIENCE ЗЭЭЛИЙН КОМПАНИУДАС ХЭРХЭН ЗЭЭЛ АВДАГ ТАЛААР МИНИЙ МЭДЭЭЛЛИЙГ УНШААРАЙ. Намайг КАРОЛИН гэдэг, би өрх толгойлсон эцэг, эх, нөхөр маань нас барахаасаа өмнө бидэнд маш их өр үлдээсэн тул би их хэмжээний өрийг хэрхэн төлөх талаар маш их эргэлзэж, бухимдаж байсан. Нэг өдөр би интернетээр явж байхдаа sky experience loan-ийн талаарх гэрчлэлтэй (сониа) тааралдсан тул би тус компанийн шуудангаар (contact@skyexperienceloan.com) эсвэл (skyexperienceloan@gmail) 5 жилийн хугацаатай 85,000 еврогийн зээл авах хүсэлт гаргасан. .com). Миний хувьд юу хийснийг дэлхий нийтэд мэдэгдээрэй, намайг хамгийн их гайхшруулсан нь миний зээлийг 48 цаг хүрэхгүй хугацаанд 2 хувийн хүүтэй баталсан. Одоо би нөхрийнхөө өрийг барагдуулж, хувийн амьдрал, бизнесээ эхлүүлсэн. Би дөнгөж сая тангарагтаа биеллээ. Тиймээс та ямар ч төрлийн 2-оос доошгүй хувийн зээл авахыг хүсвэл SKY EXPERIENCE ЗЭЭЛИЙН КОМПАНИУДАД хандаарай. түүний имэйлд (contact@skyexperienceloan.com) эсвэл (skyexperienceloan@gmail.com). түүний http://www.skyexperienceloan.com/ вэбсайтад зочилно уу.