Ардчилсан намын дарга Х.Баттулга Г.К.Жуковын хөшөөнд цэцэг өргөж, хүндэтгэл үзүүлэв

Өнөөдөр хүн төрөлхтний түүхэнд тохиосон дэлхийн 2-р дайн Европ тивд төгсөж Гитлерийн фашизмыг ялсны 77 жилийн ойн түүхэн тэмдэглэлт өдөр тохиож байна. Монгол улс ялсан СССР, АНУ, Английн холбоотон байсны хувьд энэхүү өдрийг тэмдэглэлт өдөр болгон тэмдэглэсээр ирсэн.

Түүнчлэн Ялалтын бага хурлаар "БНМАУ-ын тусгаар тогтнол, бүрэн эрхт байдлыг олон улсын түвшинд хүлээн зөвшөөрч, баталгаажуулсан учир 05.09-ний энэ өдөр монголчуудын хувьд онцгой ач холбогдлыг агуулдаг. Энэхүү тэмдэглэлт өдрийг тохиолдуулан уламжлал ёсоор Монгол Улсын тав дахь Ерөнхийлөгч, Ардчилсан намын дарга Х.Баттулга Зөвлөлт Холбоот Улсын дөрвөн удаагийн баатар, БНМАУ-ын хошой баатар, маршал Г.К.Жуковын хөшөөнд цэцэг өргөж, хүндэтгэл үзүүллээ гэж Ардчилсан нам мэдээллэв.

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)