Дэлхийн багш нарын 28, Монголын багш нарын 56 дахь баярын өдөр, Монгол улсад орчин цагийн боловсролын салбар үүсэж хөгжсөний 101 жилийн ойн баяр тохиож байна. Говьсүмбэр аймгийн хүүхэд багачуудад эрдэм боловсрол олгох ажилд, хөдөлмөр бүтээлээ зориулж яваа эрхэм багш нарын баярын өдрийн хурал 2022 оны 10 дугаар сарын 07-ны өдөр Боржигин чуулгад зохион байгуулагдлаа. Баярын хурлын үеэр орон нутгийн удирдлагууд үр бүтээлтэй ажиллаж буй багш нарт салбарын болон аймгийн шагналыг гардуулсан.

Мөн энэ үеэр Аймгийн Засаг даргын захирамжаар батлагдсан “Чадварлаг багш журам”-ын дагуу гүйцэтгэлийн болон чанарын үнэлгээ, элсэлтийн ерөнхий шалгалтад амжилт гаргасан нийт 45 багш нарт 16 сая төгрөгийн мөнгөн урамшууллын батламжийг гардууллаа.