Манай улсын нийт нутгийн 70 гаруй хувь нь цастай, есөн аймгийн 15 суманд цагаан зудын, 13 аймгийн 38 сум цагаан зудархуу байдалтай байна.

Аймаг, сумын аюулгүйн нөөцийн өвсний 43.2 хувь, тэжээлийн 40 хувь зарцуулагдаж, 14.2 мянган тонн өвс, зургаан мянган тонн тэжээлийн үлдэгдэлтэй байгаа аж. 

Он гарсаар 68,521 толгой мал хорогдсон нь өмнөх долоо хоногоос 26,441 толгойгоор нэмэгджээ. Энэ нь оны эхний 71.1 сая малын 0.09 хувийг эзэлж байна.

Хамгийн их хорогдолтой нь Увс, Архангай, Сүхбаатар, Баян-Өлгий, Завхан аймгууд байна.