Өнөөдрийн байдлаар Хөвсгөлийн уулсаас эхтэй Үүр голын түвшин өмнөх өдрийнхөөс 160 см, Хангай нуруунаас эхтэй Орхон, Хэнтий нуруунаас усжих Тэрэлж, Сөгнөгөр, Улиастай зэрэг голуудын усны түвшин өмнөх өдрийнхөөс 10-40 см нэмэгдсэн байна.

 Орхон, Хараа, Бэлтэс, Үүр гол, Халх орчимд үерийн түвшин 10-100 см, Сөгнөгөр, Сэлбэ голын ойролцоо үерийн түвшинг 5-20 см давсан байна. Харин Орхон, Туул гол орчимд үерийн аюултай түвшинг 10-30 см даван үерлэсэн хэвээр байна. 

Маргааш буюу 8 дугаар сарын 4-ний өдөр Туул гол Улаанбаатар орчимд 10 см нэмэгдэх хандлагатай байна.

Иймд дээрх гол мөрний сав дагуу суурьшиж, нутаглаж буй малчид, тариаланчид , аж ахуйн нэгж байгууллага, ард иргэдийг үерийн аюулаас сонор сэрэмжтэй байхыг анхааруулж байна.