“A-Capella” энтертайнмент, ССАЖЯ хамтран “Амжилтын эзэд” нэртэй танин мэдэхүй, соёл урлаг, спортын цэнгээнт нэвтрүүлэг хийхээр болсон байна.

Уг нэвтрүүлэгийн гол оролцогч нь Монгол улсын хөдөлмөрийн баатар, гавьяат тамирчин, Мэргэжлийн сумогийн 68 дахь их аварга Д.Дагвадорж аж. Тэрээр сур харваа, усан сэлэлт, гүйлт, туялзуур сэлэм, буудлага, шагай, софт теннис, дугуй, зээрэнцэг шидэлт, уртын харайлт болон волейбол, sport fishing гэсэн 12 спортын төрлөөр тухайн спортын шилдэгүүдтэй өрсөлдөх гэнэ. Долоо хоногт нэг удаа 45 минутаар 3-5 телевизийн сувгаар үзэгчдийн хүртээл болох тус нэвтрүүлгээр дамжуулан хүүхэд залуучуудыг зөв төлөвшин хүмүүжихэд тус нэмэр болж, монголын орчин үеийн урлаг, спортыг олон нийтэд таниулж чадна гэдэгтээ зохион байгуулагчид итгэлтэй байгаа гэнэ.

Их аваргын анхны өрсөлдөгч нь ойр зайн гүйлтийн тамирчин, ОУХМ Б.Ачитбилэг юм. Б.Ачитбилэгийн хувьд өнгөрөгч долдугаар сард ОХУ-ын Казань хотноо болсон “Универсиад” наадамд 200 м-т монгол улсын рекордыг шинэчлэн тогтоосон байна. Нэвтрүүлгийг жүжигчин Н.Ялалт хөтлөх бөгөөд ирэх есдүгээр сарын 20-оос үзэгчдэд хүрэх юм. Мөн спортын төрөл бүрт тохирсон урлагийн тоглолтууд тухай бүрт нь тоглогдох юм байна