Шриланка Улсын Хиккадува хотноо болж буй ес дэх удаагийн “Asian schools chess championship” тэмцээний цэцэрлэгийн насны ангиллын рапидын төрөлд эх орноо төлөөлөн оролцсон А.Очир- Эрдэнэ мөнгөн медаль хүртжээ. Долоо хоног үргэлжлэх энэхүү тэмцээнд манай улсаас 8-9 хүртэлх охидын ангилалд О.Цэлмэг, 10-11 насны хөвгүүдийн ангилалд М.Батням нар оролцож байгаа юм. Тэмцээний эхний өдрүүдэд рапидын төрлийн тэмцээн болж өндөрлөсөн байна. Одоогоор манай шатарчид долоон өрөг тоглоод байгаа аж. Маргааш сонгодог төрөл өндөрлөж, блиц буюу түргэн тоглолтын тэмцээн эхэлнэ.