“Mongol rally tissot-2013” автомашин, мотоциклийн холын зайн улсын аварга шалгаруулах уралдаан амжилттай болж өндөрлөлөө. Уралдааны мотоцик лийн ангилалд нийлбэр дүнгээр “Rally Mongolia” олон улсын уралдааны мөнгөн медальт, спортын мастер Д.Лхагвасүрэн тэргүүлж, мөнгө, хүрэл медалийг спортын мастер Н.Энхбат, залуу тамирчин Э.Энхзолбоо нар хүртжээ. Харин автомашины ангилалд ОУХМ Ө.Бямбацогт, дэд мастер Б.Амартайван нар түрүүлсэн бол удаах байруудыг спортын мастер Х.Батболд, залуу тамирчин Д.Батболд, спортын мастер Г.Батзаяа, ОУХМ Ш.Гансүх нар эзэлсэн байна.